Nagapangatubang sang kaso kriminal kag administratibo sa Office of the Ombudsman-Visayas sanday Congressman Evelio Leonardia kag Acting Vice-Mayor El Cid Familiaran. Paglapas sa section 89 sang Local Government Code may kaangtanan sa section 3 sang Republic Act 3019 ukon Anti-Graft and Corrupt Practices Act ang ginpasaka ni Abner Cañal sang Purok Sawmill 3, Brgy. Bata, ciudad sang Bacolod batok kanday Leonardia kag Familiaran. Ini may angot sa pag-arkila ni Familiaran sa isa ka bloke sa Manokan Country kag nagamit sini ang iya posisyon sa gobierno para sa personal nga interes kag bentaha. Suno sa reklamo ni Cañal, nagsulod si Familiaran sa isa ka kontrata upod sa city government sadtong nagapungko pa nga alkalde si Leonardia kun sa diin nagabayad ini sang 50 porciento nga mas manubo nga bulanan nga arkila kun ikumparar sa iban nga tenants sa Manokan Country. Suno kay Cañal, dapat manabat man si Leonardia bangud sa pagpirma sini sa kontrata sa pihak nga nakahibalo ini nga disbentaha ang kasugtanan para sa ciudad. Ang reklamo ginsuportahan sang mga dokumento nagikan sa City Treasurer's Office, Permits and Licensing Division kag iban pa nga talatapan sa city hall. Ang reklamo ni Cañal gin-file sang abogado sini nga si Atty. Eduardo Padios kag ginpasa sa Ombudsman Visayas sadtong Disyembre 23 nga nabaton naman sang talatapan sadtong Disyembre 28, 2015. - See more at: http://www.bomboradyo.com/am-stations/bacolod/bacolod-news/item/134350-bacolod-cong-leonardia-ginkasuhan-sa-ombudsman#sthash.2VHVzJk5.dpuf By Bombo Prime Tejida/ Leneath Antenor-FloresPosted in Bombo BacolodWednesday, 06 January 2016 07:31BACOLOD CITY -
0 Comments
Leave a Reply. |
Categories
All
|